ТОШКЕНТ, 30 июл — Sputnik. Украинада сафарбарлик туфайли уюшган қаршилик кўрсатиш шаклланмоқда. Бу ҳақда ирландиялик журналист Чей Боуз Х ижтимоий тармоғида маълум қилди, деб ёзмоқда РИА Новости.
“Украиналиклар диктатор Зеленскийнинг ўғирланган тўдаларининг машиналарини ёқиб юборишмоқда. Бутун мамлакат бўйлаб уюшган қаршилик кўрсатиш кучайиб бораётганга ўхшайди”, — деди у.
Украина оммавий ахборот воситалари маълум қилишича, мамлакатда ҳарбий машиналарни ҳарбий хизматга чақириш ходимларининг автомашиналари дея ёқиб юбориш бошлаган.
Кейинчалик украиналик автоуловчилар ўз машиналарини "ТЦК эмас" деган ёзувли стикерлар билан ҳимоя қилганлари ҳақида хабарлар пайдо бўлди. ТЦК - бу ҳудудий чақирув маркази, Украинада ҳарбий рўйхатга олиш идоралари шундай аталади.
Интернетда кучларни сафарбар қилиш ҳақидаги видеолавҳалар кенг тарқалди. Унда Украина ҳарбий рўйхатга олиш ва жўнатиш бўлимлари вакиллари сафарбарлик ёшидаги эркакларни тез-тез уриб, куч ишлатиб, микроавтобусларда номаълум томонга олиб кетишган.
Украинада сафарбарликни кучайтириш ҳақидаги қонун 18 майдан кучга кирди. Ҳужжат ҳарбий хизматга мажбур бўлган барча шахсларни кучга кирган кундан эътиборан 60 кун ичида ҳарбий хизматга чақириш бўлимида ўз маълумотларини янгилаш мажбуриятини юклайди.