Ўзбекистонда қишлоқ хўжалиги экинларини суғориш учун сувни тежовчи технологиялар билан таъминланган ерларнинг умумий майдони 2 миллион гектарга етказилади. Бу ҳақда Ирригация ва сув муаммолари илмий-тадқиқот институти директори ўринбосари Андрей Петров Sputnik Ўзбекистон матбуот марказида “Марказий Осиёда сув-энергетика муаммоларини қандай ҳал қилиш мумкин” мавзусида бўлиб ўтган Тошкент – Бишкек видеокўприги давомида маълум қилди.
ЕОТБ маълумотларига кўра, Ўзбекистонда суғориладиган ерларнинг умумий майдони 4,3 млн гектарни ташкил этади. Озиқ-овқат хавфсизлиги урбанизация билан бевосита боғлиқ. Яъни, айтайлик, шаҳар қанчалик кенгайса, шунга мос равишда қишлоқ хўжалиги ерлари турар-жой қурилиши фойдасига қисқариб боради.
“Ўзбекистонда фаол суръатлар кузатилмоқда ва бугун биз сувни тежаш технологияларини жорий этиш бўйича етакчимиз. Президент фармонига кўра, 2030 йилга бориб 4-3 млн гектар майдонда экинларни етиштириш ва суғориш учун томчилатиб суғориш тизимини жорий этиш керак”, — деди Петров.
Унинг қайд этишича, атроф-муҳитга зарар етказмасдан, аҳолини тобора камайиб бораётган ичимлик суви чекланган ресурсидан фойдаланиб, таъминлаш керак. Албатта, атроф-муҳитни ҳам унутмаслик керак. Яъни сувни тежаш керак.
“Марказий Осиёда сув нима? Чўлда сув олтинга тенг, бу аниқ. Биз бу масалани мактаб даражасида етказмоқчимиз, ёшлар англай олиш қобилияти энди шаклланган даврдан бошлаб сувни тушунишни ва тежашни бошлашлари керак”, — дея қўшимча қилди у.
Батафсил — Sputnik Ўзбекистон видеосида.