TOШКЕНТ, 22 июл — Sputnik. Ўтган тунда ҳаво ҳужумидан мудофаа кучлари Россия ҳудуди узра 75 та Украина дронини уриб туширди, дея хабар қилди Россия Мудофаа вазирлиги.
Мудофаа вазирлиги Киев режимининг дронлар ёрдамида теракт уюштиришга уринишини маълум қилди.
“Навбатчи ҳаво ҳужумидан мудофаа тизимлари Ростов вилояти устидан 47 та, Белгород вилояти устидан битта, Воронеж вилояти устидан битта, Смоленск вилояти устидан битта ва Краснодар ўлкаси устидан саккизта, шунингдек, Қора ва Азов денгизлари узра 17 та учувчисиз учиш аппаратларини тутиб олди ва йўқ қилди”, — дейилади хабарда.
Краснодар ўлкаси Фавқулодда вазиятлар вазирлиги маълумотларига кўра, Туапсе шаҳридаги нефтни қайта ишлаш заводи инфратузилмаси учувчисиз самолёт қолдиқлари тушиши натижасида зарар кўрган. Мутахассислар ёнғинни бартараф этишди. Дастлабки маълумотларга кўра, қурбонлар йўқ.
Киев деярли ҳар куни учувчисиз самолётлар ёрдамида Россиянинг чегара ва марказий ҳудудларидаги нишонларга ҳужум қилишга ҳаракат қилмоқда. Ҳаво ҳужумидан мудофаа кучлари душман самолётларини муваффақиятли тутиб олмоқда.