Кўргазмада жадидчилик даврига мансуб 73 нафар толиби илмларнинг аччиқ қисматлари ҳақида ҳикоя қилинади. Кўргазма ҳар куни соат 10:00 дан 22:00 гача очиқ.
Кўргазма учун савдо марказида 1400 кв.метрдан ортиқ майдонга эга алоҳида жой ажратилган.
"Жадидлар. Туркистонга мактублар" кўргазмаси кенг жамоатчилик диққат-эътиборини Марказий Осиё тарихининг муҳим бобига қаратишга қаратилган.
Янги мультимедиа кўргазма лойиҳаси жадидлар ҳақидаги маълумотларни замонавий технологиялар орқали ёшлар учун янги, тушунарли ва қулай шаклда қабул қилишга ёрдам беради.
Кўргазмада бир нечта бўлимлар мавжуд.
Ташриф буюрувчиларга мозийга ғойибона саёҳат қилишдек бетакрор тажрибани тақдим этувчи уч тилдаги тасвирий ва овоз қурилмалари тақдим этилади.
Кўргазманинг сценографияси ва овозли ҳикояси жадидлар тарихи, уларнинг маърифат ва миллий истиқлол йўлидаги орзу-умидлари мужассам мультимедиа проекциялари орқали тақдим этилган.
Кўргазма сценографиясининг ўзи жадидчилик даври талабалари ҳақида ҳикоя қилувчи бешта солномавий ва мавзуга алоқадор ҳудудларга бўлинган.
Кўргазмада жадидлар даврига оид нодир архив материаллари: мактублар, мақолалар ва фотосуратлар ҳам намойиш этилади.
Уларнинг аксарияти илк бор жамоатчилик эътиборига ҳавола қилинмоқда.