ТОШКЕНТ, 14 июл — Sputnik. Пенсилванияда президентликка номзод Дональд Трампга суиқасд қилинди. Бунинг натижасида бир киши ҳалок бўлган, икки киши эса оғир яраланган.
АҚШнинг собиқ президенти Дональд Трампнинг Пенсилванияда нутқи вақтида отишма содир бўлди. У ўз тарафдорлари олдидаги нутқини тўхтатди ва сиёсатчи қонли қулоғи билан саҳнани тарк этди, воқеа маҳаллий телеканаллар томонидан намойиш этилди.
Видеода сиёсатчини қандай қилиб қўриқчилар олиб кетаётгани, унинг қулоғи қонга белангани акс этган. Унинг нутқи атиги бир неча дақиқа давом этди. Сиёсатчи ноқонуний миграция муаммолари ҳақида гапираётган эди. Тўсатдан ўқ овозлари эшитилди, шундан сўнг саҳнада бўлган Трамп жим бўлиб, қўлини қулоғига қўйиб, ўтириб олди. Тансоқчилар уни ўраб олишди.
Стрельба на предвыборном митинге Трампа
© RIA Novosti . AP Photo / Evan Vucci
Бир неча дақиқадан сўнг, хавфсизлик ходимлари собиқ президентни саҳнадан кузатиб қўйишди, унинг ўнг қулоғи қонга беланган эди.
Стрельба на предвыборном митинге Трампа
© RIA Novosti . AP Photo / Evan Vucci
АҚШ президентлигига номзоднинг матбуот котиби Стивен Чуннинг маълум қилишича, сиёсатчи Пенсилвания штатидаги касалхонада тиббий кўрикдан ўтган. Кейинроқ Трамп қулоғи яраланганини, кўп қон йўқотганини айтди.
АҚШ Махфий хизмати саҳна томон бир неча марта ўқ узган гумонланувчини ўлдирганини маълум қилган. Отишмада бир томошабин ҳалок бўлди, яна икки нафари оғир яраланди.
"АҚШнинг собиқ президенти Дональд Трамп митингида отишма саҳнадан 100 метр узоқликда жойлашган ташкилот томида яширинган 20 ёшли Томас Мэтью Крукс томонидан содир этилган", деб ёзади ОАВ .
Ҳуқуқ-тартибот идоралари ходимларига кўра, отишмада AR типидаги қуролдан фойдаланилган. Тергов суиқасд сабабларини ҳозирча аниқламади, деди Федерал қидирув бюроси вакили.
БМТ бош котиби Антониу Гутерриш АҚШнинг собиқ президенти Дональд Трамп митингида юз берган отишмани қоралади ва унга тезроқ соғайиб кетишини тилади. АҚШ президенти Жо Байден Трампнинг тузалиб кетиши учун ибодат қилаётганини айтди.