Марказий Осиёда гиёҳванд моддалар савдоси билан боғлиқ муаммолар ҳали ҳам ўта муҳим ва жуда талабчан бўлиб қолмоқда. Бу ҳақда Sputnik Ўзбекистон матбуот-марказида бўлиб ўтган “ШҲТнинг Қозоғистондаги саммити якунлари”га бағишланган Москва – Остона – Минск – Бишкек – Тошкент видеокўпригида Россия Халқлар дўстлиги университети Стратегик тадқиқотлар ва прогнозлар институти директори Дмитрий Егорченков маълум қилди.
Дмитрий Егорченковга кўра, ШҲТнинг дастлабки мавзулари хавфсизлик масалалари, жумладан, трансчегаравий хавфсизлик билан боғлиқ эди.
Афғонистондан жанубий йўналишдаги таҳдид ҳалигача йўқолгани йўқ. Бугун шубҳасиз, Афғонистон бу муаммога қарши курашишдан манфаатдор. Шунингдек, терроризмга қарши кураш ҳам.
У ШҲТ давлатларининг халқаро терроризмга қарши курашдаги хизматлари натижалари ҳақида гапирди.
“2022-2023 йилларда, жумладан, ШҲТга аъзо давлатлар хизматларининг биргаликдаги фаолияти натижасида халқаро террорчилик ташкилотларининг 73 та ячейкаси аниқланди, 69 та террорчилик ҳаракатининг олди олинди, террорчилик фаолиятини молиялаштиришнинг 13 минг канали блокланди. Менимча, бу жуда муҳим кўрсаткич”, — дея хулоса қилди эксперт.
Унинг сўзларига кўра, Марказий Осиёда наркотрафик масалалари ҳали ҳам ўта муҳим ва талаб даражасида бўлиб қолмоқда.