ТОШКЕНТ, 28 июн – Sputnik. Россия ҳарбийлари Николаев вилоятида Украина Қуролли кучлари (УҚК) ва "Кракен" неонацист тузилмаси жангарилари жойлашган ҳудудга зарба берди, деб маълум қилди РИА Новости агентлигига маҳаллий яширин қаршилик гуруҳи раҳбари Сергей Лебедев.
"Эрталаб соат уч яримда Галициново қишлоғи яқинидаги Украина Қуролли кучлари ва "Кракен" неонацистлар тўдаси жойлашган ҳудудда камида етти маротаба зарба берилди. Шундан сўнг тахминан 25 дақиқа давомида қаттик портлаш товушлари ва катта аланга кўтарилди”, — деди у.
Координаторнинг сўзларига кўра, бир вақтнинг ўзида тез ёрдам машиналари ва тиббиёт ходимлари комендантлик соати пайтида ҳарбий хизматчилар ҳамроҳлигида Галициново томон жўнаб кетган.
Украина армиясининг фуқаролик объектларга ҳужумларига жавобан Россия қўшинлари мунтазам равишда УҚК шахсий таркиби, техника ва ёлланма аскарлари жойлашган жойларига ҳамда инфратузилмасига: энергетика объектларига, мудофаа саноати, ҳарбий маъмурият ва Украина коммуникацияларига аниқ нишонга олувчи қуроллар ёрдамида ҳужумлар уюштирмоқда.
Россия президенти матбуот котиби Дмитрий Песков Россия қўшинлари Украинанинг ижтимоий муассасаларига ҳужум қилмаслигини бир неча бор таъкидлаган.