ТОШКЕНТ, 17 июн — Sputnik. Испания фуқаролик гвардияси “Ислом давлати”* террорчилик ташкилоти билан боғлиқ бўлган жамғарма фаолиятини тўхтатди, деб хабар бермоқда "El Confidencial" газетаси.
Унинг маълумотларига кўра, тармоқ аъзолари ўз издошларини "Реал Мадрид" футболчилари ва ушбу клуб мухлислари бўлган автобусга ҳужум қилишга даъват қилган. Террорчилар ўз нишонларидан бири сифатида “Реал Мадрид”нинг уй аренаси ҳисобланган “Сантяго Бернабеу” стадионини ҳам кўрсатган.
Бундан ташқари, нашр Германияда футбол бўйича Европа чемпионати ва Франциядаги Олимпиада ўйинлари вақтида ҳужумларни қўзғатишга даъватлар бўлганини хабар бермоқда.
Ҳуқуқ-тартибот идоралари ходимлари 9 кишини ҳибсга олди. Операция Европа полиция агентлиги (Европол) ва АҚШ Федерал қидирув бюроси билан ҳамкорликда ўтказилди.
Ҳозирда Испания террорчилик хавфининг бешта эҳтимолидан тўртинчи даражасини эълон қилди. Бу ерда экстремизмда гумон қилинганлар мунтазам равишда ҳибсга олади.
* Россияда “Ислом давлати” ва ИШИД гуруҳлари террорчи ташкилот деб тан олинган ва унинг фаолияти тақиқланган.