TOШКЕНТ, 12 июн — Sputnik. Орол денгизининг қуриган туби ҳудудидаги қарийб 600 минг гектарлик майдонда биринчи марта ноёб ўсимлик "Arundo donax" тажриба майдонида синовдан ўтказилмоқда. Бу ҳақда Экология, атроф-муҳитни муҳофаза қилиш ва иқлим ўзгариши вазирлиги хабар берди.
Шу кунларда вазирлик ташаббуси билан Ўрмон хўжалиги илмий-тадқиқот институти профессори Зиновий Новицкий бошчилигида экиш ишлари олиб борилмоқда.
На осушенном дне Арала высаживают новый вид растений
© gov.uz
“Орол денгизининг қуриган туби ҳудудида қарийб 600 минг гектарлик майдонда шўр ва нам тупроқларда ўрмонзорлар барпо этиш мақсадида биринчи марта ноёб ўсимлик Арундо донах тажриба майдонида синовдан ўтказилмоқда”, — дейилади хабарда.
Ҳозирда ўсимликлар 1 ойлик. Улар қурғоқчиликка чидамли бўлганлиги боис оғир чўл шароитида ҳам 4 метргача ўса олади. Уни экиш жараёнида кўчатлар ўрнига илдиз куртаклари ўтқазилади.
“Булар Орол денгизининг қуриган туби учун бошқа ҳудудлардан олиб келинган. 1-2 йил ичида Оролнинг барча ҳудудларида Arundo donax ўсимликлари экилади, чунки илдиз сўрғичлари тез униб чиқади”, — дейди Зиновий Новицкий.
На осушенном дне Арала высаживают новый вид растений
© gov.uz
Ушбу ўсимлик тузли шамолларнинг олдини олади, унинг поясидан қурилиш, тўқимачиликда фойдаланилади, шунингдек, уни ем-хашак сифатида ҳам ишлатиш мумкин.