ТОШКЕНТ, 6 июн — Sputnik. Россиянинг шимолий пойтахтида Санкт-Петербург халқаро иқтисодий форумининг очилиш маросими бўлиб ўтди. 1997 йилдан буён йирик тадбир ҳар йили халқаро экспертлар, сиёсатчилар ва етакчиларни асосий бизнес ва иқтисодий масалаларни муҳокама қилиш учун бир жойга тўплайди.
Бу йил тадбир 5-8 июнь кунлари бўлиб ўтади, унинг асосий мавзуси “Кўп қутблилик асоси янги ўсиш марказларини шакллантириш”.
Очилиш маросимида Санкт-Петербург губернатори Александр Беглов, Вьетнам ҳукумати раиси ўринбосари Чан Лыу Куанг, Россия Федерацияси бош вазирининг биринчи ўринбосари Денис Мантуров, Марказий Африка Республикаси бош вазири Феликс Молуа, Янги тараққиёт банки раҳбари Дилма Русеф, Салвадор Республикаси вице-президенти Феликс Ульоа, Баҳрайн саноат ва савдо вазири иштирок этди.
Форумнинг асосий дастури тўртта тематик блокни ўз ичига олади. Уларнинг ҳар бири ПМЭФ 2024 нинг кўп қутбли халқаро тизимни қуриш ва глобал кучлар мувозанатини сақлаш бўйича асосий миссиясига жавоб беради.