ТОШКЕНТ, 4 июн — Sputnik. Ўзбекистон Афғонистон орқали халқаро транспорт коридорини (ХТК) ривожлантиришдан манфаатдор. Бу ҳақда Евроосиё ҳукуматлараро кенгаши мажлиси чоғида Россия бош вазири ўринбосари Алексей Оверчук маълум қилди, дея хабар берди РИА Новости.
У Беларусь-Россия-Қозоғистон-Ўзбекистон-Афғонистон-Покистон коридори лойиҳасини амалга ошириш учун имкониятлар пайдо бўлганини қайд этди.
“ЕОИИ кузатувчиси бўлган Ўзбекистон ушбу халқаро транспорт коридорини ривожлантириш тарафдори. Бу жуда жиддий лойиҳа, у бир неча йиллардан бери муҳокама қилинмоқда, лекин бугун улар бу ҳақда тобора кўпроқ гапирмоқдалар ва уни амалда амалга ошириш имкониятлари ҳақиқатан ҳам пайдо бўлмоқда”,— деди Оверчук.
Шунингдек, у Россия ушбу лойиҳани қўллаб-қувватлашини қўшимча қилди.
"Биз агар у амалга оширилса, Россия ҳам Покистон каби аҳоли зич жойлашган мамлакат бозорига кириш учун яхши имкониятларга эга бўлишини тушунамиз, албатта, Ҳиндистон ва Афғонистон", — дея тушунтирди Россия бош вазири ўринбосари.
Эслатиб ўтамиз, 2023 йилнинг ноябрь ойида Тошкентда ШҲТ давлатларининг биринчи транспорт форуми доирасида Беларусь – Россия – Қозоғистон – Ўзбекистон – Афғонистон – Покистон халқаро транспорт коридорини яратиш ва ривожлантириш бўйича меморандум имзоланган эди.
Ҳужжат Россия, Ўзбекистон ва Қозоғистон транспорт вазирликларитомонидан имзоланган. Ушбу йўлак МДҲ давлатларини Жанубий Осиё орқали Ҳинд океани ҳавзаси мамлакатлари билан боғловчи стратегик муҳим бўғиндир.
Беларусдан Афғонистон ва Покистонга янги мультимодал транспорт коридорини яратиш ташаббуси Ўзбекистон томонидан илгари сурилган. Бу ҳақда республика бош вазири Абдулла Арипов ўтган йилнинг июнь ойида россиялик ҳамкасби Михаил Мишустин билан учрашувда айтиб ўтган эди.
Ўшанда Арипов транспорт-логистика соҳаси мамлакатлар ўртасидаги ҳамкорликнинг асосий йўналиши эканлигини таъкидлаб, юк ташишдаги ўсишнинг ижобий динамикасини қайд этди ва истиқболли савдо бозорларини очадиган янги халқаро транспорт йўлакларини шакллантиришдан манфаатдорлик ҳақида гапирган.