Ўзбекистоннинг етакчи олий ўқув юртлари Россия тажрибасидан келиб чиқиб, янги авлод муҳандислик кадрларини тайёрлаш мақсадида иқтисодиёт ва саноатнинг ривожланаётган тармоқларида муҳандислик мактабларини ташкил этишни режалаштирмоқда.
Бу ҳақда Россия Федерацияси фан ва олий таълим вазири ўринбосари Дмитрий Афанасьев Sputnik Ўзбекистон матбуот марказида берган эксклюзив интервьюсида айтиб ўтди.
“Илғор муҳандислик мактаби”нинг ўзига хос жиҳати шундаки, у университет ва саноат ҳамкори, яъни қайсидир компания ёки компаниялар гуруҳи ўртасидаги энг яқин ҳамкорлик асосида қурилган. Улар университетларга нафақат муҳандисларни тайёрлаш бўйича кадрлар вазифасини, балки компанияга зарур бўлган илғор ечимларни топиш учун ишлаб чиқариш соҳасидаги тадқиқот вазифаларини ҳам қўядилар. Бу жараёнда анъанавий таълимдан фарқли ўлароқ, бўлажак муҳандислар мураккаб масалаларни ҳал этиб, тез амалий тажрибага эга бўладилар", — деди у
Россияда 50 та шундай муҳандислик мактаблари ташкил этилган. Жумладан, битта халқаро, Россия-Беларусь мактаби мавжуд.
"Мен келажакда Россия-Ўзбекистон илғор муҳандислик мактаблари пайдо бўлишини истисно қилмайман. Бунга умид қиламиз", — дея қайд этди Афанасьев.
Россия муҳандислик университетлари сўнгги икки йил ичида амалга ошираётган шакл диққат марказида эканлиги жуда муҳим аҳамият касб этади. Ушбу шакл “Илғор муҳандислик мактаблари” деб аталади. Россияда федерал лойиҳа сифатида ишлаб чиқилаётган бу шаклга Ўзбекистон томони қизиқиш билдирган.