ТОШКЕНТ, 28 май — Sputnik. “Шимол-Жануб” лойиҳаси доирасида Озарбайжон, Эрон, Туркманистон, Қозоғистон ва Ўзбекистонни ўз ичига олган учта йўналиш устувор ҳисобланади. Бу ҳақда Россия Федерацияси президентининг ёрдамчиси Игорь Левитин айтди.
“Бизда учта йўналиш бор. Россия, Озарбайжон, Эрон – биз буни ғарбий йўналиш деймиз, Каспий – марказий, шарқий – бу Қозоғистон, Ўзбекистон, Туркманистон. Бу уч йўналиш умумийдир, биз уларни Шимол-Жануб деб атаймиз, улар кейинги беш йил учун устувор йўналишлар сифатида кўрилади”, — дея жавоб берди Левитин журналистларнинг “Шимол-Жануб” лойиҳаси доирасида қанча давлат кўриб чиқилаётгани ҳақидаги саволига.
Халқаро транспорт коридорининг учта йўналиши мавжуд: транскаспий (темир йўллар ва портлар ёрдамида), шунингдек, ғарбий ва шарқий (қуруқлик).
Россия президенти Ўзбекистонга давлат ташрифи давомида республикада темир йўл транспорти ва инфратузилмасини ривожлантириш бўйича кенг қамровли ҳамкорлик дастури, жумладан, Россия темир йўл техникасини етказиб бериш ва уни ишлаб чиқаришни маҳаллийлаштириш ривожланиш босқичида эканлигини айтди.
“Шимол-Жануб халқаро коридорини яратиш бўйича кенг кўламли лойиҳа бўйича ҳамкорлик истиқболли кўриниши: Россия ва Беларусдан Ҳинд океани қирғоқларигача бўлган йўналишлардан бири шу ерда, Ўзбекистон ёнидан ёки Ўзбекистон ҳудуди орқали ўтади. Бу қўшимча имкониятлар яратиш, шу жумладан Ўзбекистоннинг океанга чиқиши нуқтаи назаридан жуда қизиқ бўлиши мумкин”, — деди Путин.