ТОШКЕНТ, 24 май — Sputnik. Ҳамдўстлик мамлакатларида тобора кенг тарқалаётган экстремистик-террористик таҳдидга қарши кураш бўйича муҳим тузилмалардан бири ҳисобланади, деди Қирғизистон президенти Садир Жапаров, МДҲга аъзо давлатлар разведка хизматлари раҳбарлари кенгашида.
“Дунёнинг ҳеч бир давлати терроризм таҳдидини ёлғиз ўзи енга олмайди”, — деди Жапаров Бишкекда бўлиб ўтаётган МДҲ хавфсизлик ва махсус хизматлари раҳбарларининг 54-йиғилишда.
“Ўсиб бораётган ноаниқлик, нотинчлик ва можаролар билан тавсифланган дунёда давом этаётган ўзгаришлар, шунингдек, 22 март куни Москва яқинидаги “Крокус Сити Холл”да кўплаб қурбонлар билан юз берган сўнгги фожиали воқеалар разведка хизматларининг ролини кучайтириш зарурлигини яна бир бор кўрсатди. Уларнинг фаолиятини такомиллаштириш ва давлатларимиз хавфсизлигини таъминлаш йўлида биргаликдаги саъй-ҳаракатларни амалга ошириш зарур”, — деди Жапаров.
Президент Қирғизистон МДҲга аъзо давлатлар интеграциясини мустаҳкамлаш ва кўп томонлама форматдаги ўзаро ҳамкорликни оширишга содиқлигини тасдиқлади. У Хавфсизлик органлари ва махсус хизматлар раҳбарлари кенгаши ташкил этилганидан буён Ҳамдўстлик хавфсизлигини мустаҳкамлаш, замонавий чақириқларга қарши курашиш соҳасида самарали кўп томонлама ҳамкорликни йўлга қўйиш бўйича амалий чоралар кўраётганини ҳам айтиб ўтди.