Марказий Осиё давлатларининг Россия билан газ масаласида ҳамкорлиги ҳаётий зарурат. Бу ҳақда "Ma'no" тадқиқот ташаббуслари маркази директори Бахтиёр Эргашев Sputnik Ўзбекистон матбуот марказида бўлиб ўтган “Москва-Остона-Бишкек-Тошкент” видеокўпригида маълум қилди.
Экспертлар Марказий Осиё мамлакатлари ва Россия ўртасида газ соҳасидаги ҳамкорликнинг геосиёсий ва геоиқтисодий жиҳатларидаги янги босқич ҳақида сўз юритишди.
Бахтиёр Эргашевнинг айтишича, минтақа мамлакатлари аҳолиси, иқтисодиёти ва энергетика сектори ўртасида Россия газига эҳтиёж бор.
“Аҳолига газ керак, ўсиб бораётган иқтисодиёт эса бунга муҳтож. Барча муаммо ва қийинчиликларга қарамай, Марказий Осиё мамлакатлари иқтисодиётида саноат, умуман иқтисодиёт, ялпи ички маҳсулот ўсиши кузатилмоқда”, — деди эксперт.
Шу билан бирга, у Марказий Осиё давлатлари, жумладан, Ўзбекистон ва Қозоғистонда табиий газ захиралари ва қазиб олиш ўсиш тенденцияси кузатилмаётганини айтди.
“Марказий Осиё мамлакатлари, жумладан, Ўзбекистон ва Қозоғистоннинг захиралари ва ишлаб чиқариш ҳажми ўсиш тенденциясига эга эмас. Демак, бу Россия билан газ масаласида ҳамкорлик қилиш ҳаётий зарурат эканлигини англатади”, — дея тушунтирди Эргашев.
Россия, Қозоғистон ва Ўзбекистон ўртасидаги газ бўйича ҳамкорликнинг истиқболлари қандай? Газ транзитида қандай ўзгаришлар жиддий геосиёсий ва геоиқтисодий оқибатларга олиб келади? Қайси давлат катта ҳажмдаги газни муқобил етказиб берувчи ҳисобланади?
Батафсил — Sputnik Ўзбекистон видеосида.