ТОШКЕНТ, 20 май — Sputnik. Евроосиё иқтисодий иттифоқига (ЕОИИ) аъзо давлатларнинг энергетика соҳасида Россия билан ҳамкорлиги уларга ташқи бозорларда рақобатлашиш имконини беради. Бу ҳақда Россия Федерацияси ҳукумати раиси ўринбосари Алексей Оверчук "KazanForum" доирасида бўлиб ўтган матбуот анжуманида маълум қилди, деб хабар берди Sputnik Ўзбекистон мухбири.
У ЕОИИ давлатлари иқтисодиётининг ўсиш суръатларига эътибор қаратди: “Қозоғистон – 5,1 фоиз, Қирғизистон – 6 фоиздан ортиқ, Арманистонда – 8,6 фоиз юқори кўрсаткичлар, Беларусь – 3,9 фоиз”.
"Буларнинг барчаси Россия билан энергетика соҳасидаги ўзаро алоқалар туфайли мамлакатлар ташқи бозорларда рақобатлашиш, товарлар ва хизматлар ишлаб чиқариш учун яхшироқ харажат тузилмасини яратиш имкониятига эга эканлигини кўрсатади”, – деди Оверчук.
Бундан ташқари, форум доирасида бўлиб ўтган ялпи мажлисда сўзга чиққан бош вазир ўринбосари Россия билан яқин муносабатларни сақлаб турган мамлакатлар иқтисодиёти ўсганини таъкидлади. Мисол тариқасида Алексей Оверчук Ўзбекистон, Қозоғистон, Тожикистон, Туркманистон ва Қирғизистон иқтисодларини келтирди.