ТОШКЕНТ, 11 май — Sputnik. Вашингтон Россия армиясининг олдинга силжишидан қўрқиб Киевга навбатдаги ёрдам транши юборди, деб ёзади Американинг New York Post газетаси.
“Пентагон жума куни эълон қилган 400 миллион долларлик ҳарбий ёрдам пакети Украинани Россия ҳужумини тўхтатиш учун “ер-ҳаво” синфидаги ракеталар, артиллерия снарядлари ва бошқа зарур қурол ва ускуналар билан таъминлайди”, - дейилади хабарда.
Хабарда айтилишича, АҚШ Давлат котиби Энтони Блинкеннинг сўзларига кўра, Россия армияси Харьков яқинида фаол ҳаракатлар олиб бораётган бир пайтда бу ёрдам "шошилинч зарур" бўлиб қолди. Қайд этилишича, ушбу транш 2021 йил августидан буён АҚШ Мудофаа вазирлиги захирасидан Украинага берилган ҳарбий техниканинг 57-партияси бўлди.
АҚШ кеча Киев учун 400 миллион долларлик янги қурол пакетини эълон қилди.
Россия Киевга Ғарб қуролларини етказиб бериш жанг майдонидаги вазиятни ўзгартирмаганини, бу ҳаракатлар фақат Украина Қуролли кучлари бўлинмаларида йўқотишлар сонини оширганини бир неча бор таъкидлаган.