ТОШКЕНТ, 1 май — Sputnik. Хоккей бўйича Осиё-Океания чемпионатида Ўзбекистон U18 терма жамоаси таиландлик рақибларини мағлубиятга учратди, дея хабар берди Миллий олимпия қўмитаси.
Ўзбекистонда хоккей бўйича Осиё-Океания чемпионати ўз якунига етди. Чемпионатда 10 та жамоа иштирок этди.
Хоккеисты сборной Узбекистана
© Sputnik/Abdubakir Yunusov
"Чемпионатнинг амалдаги ғолиби сифатида иштирок этган Ўзбекистон U18 терма жамоаси қаторасига иккинчи бор бош совринни қўлга киритишга муваффақ бўлди. Ҳамюртларимиз финал баҳсида таиландлик тенгқурларини 2:1 ҳисобида мағлубиятга учратишга эришишди”, — дейилади хабарда.
Учинчи ўрин эса Мўғулистон жамоасига насиб этди.