“Ўзбекистон бозори катта салоҳиятга эга ва Меморандумнинг имзоланиши икки мамлакат алюминий корхоналари ўртасидаги ҳамкорлик ва кейинчалик энергетика соҳасида лойиҳаларни амалга оширишдаги биринчи қадам бўлади. Сўнгги йилларда Россия янги қотишмалар ва меъёрий-техник ҳужжатлар соҳасида муҳим ваколатларга эга бўлди - уй-жой ва тижорат мулкларини ишлаб чиқувчилар тобора кўпроқ ўз объектлари учун алюминий кабел ва симли маҳсулотларни танламоқда. Ишончимиз комилки, “Ўзэлтехсаноат” уюшмаси билан ҳамкорлигимиз Ўзбекистонда юқори технологияли маҳсулотлардан фойдаланиш йўлидаги биринчи қадам бўлади”, — деди “Алюминий” уюшмаси раиси Ирина Казовская.
“Меморандум Россияда жорий қилинган стандартлаштириш ва техник тартибга солиш соҳасидаги илғор тажрибаларни ўзлаштириш, шунингдек, инновацион қотишмаларга асосланган энергетика соҳасида янги лойиҳаларни жорий этиш имконини беради. Бу келишув Ўзбекистон ва Россия компаниялари учун ривожланиш драйвери бўлиш имконини беради”, — деди “Ўзэлтехсаноат” уюшмаси раиси Мирзиёд Юнусов.