ТОШКЕНТ, 4 апр — Sputnik. МДҲ Бош штаблари бошлиқлари Москвада бўлиб ўтган йиғилишда қўшма ҳаво ҳужумидан мудофаа тизимини такомиллаштиришга алоҳида эътибор қаратдилар.
Россия Қуролли кучлари Бош штаби бошлиғи Валерий Герасимов миналардан тозалаш гуруҳлари тайёрлаш масаласига ҳам эътибор қаратди.
“МДҲ қўшма ҳарбий тизимларни ривожлантириш бўйича жорий ва истиқболдаги вазифалар муҳокама қилинди. Хусусан, қўшма алоқа ва қўшма ҳаво ҳужумидан мудофаа тизимларини такомиллаштириш, шунингдек, миллий гуманитар миналардан тозалаш бўлинмаларини тайёрлаш истиқболларига ҳам эътибор қаратилди", - деди Герасимов мажлис якунлари бўйича журналистларга.
"Шунингдек, МДҲ давлатлари ҳарбий қўмондонларига замонавий қуролларга қарши курашга ёндашувлар ҳақида маълумот берилди, жумладан, учувчисиз аппаратларига қарши кураш ва махсус ҳарбий амалиётлар давомида миналардан тозалаш вазифаларини бажариш тажрибаси ҳақида”, - деди Герасимов.
Ундан ташқари, Россия ҳарбий-саноати корхоналари ишлаб чиқарган замонавий қурол-яроғ турлари билан таништирилди.