ТОШКЕНТ, 1 апр – Sputnik. Туркияда 31 март куни бўлиб ўтган маҳаллий сайловда ҳукумат партияси сўнгги 20 йилда илк бор ютқазиб қўйди. Бу Эрдоған учун жиддий огоҳлантириш, деб ёзмоқда маҳалий ОАВлар.
Шаҳар мэрлари лавозими учун курашда Халқ Республика партияси (ХРП) 37,7% овоз тўплаган бўлса, хукуматнинг Адолат ва ривожланиш партияси (АРП) 35,4 % овоз тўплашга муваффақ бўлди. Минтақавий кенгашлар учун курашда ХРП 34,4%, АРП 32,4% овоз жамлашга муваффақ бўлди.
Маҳаллий экспертлар хулосасига кўра ёзишига кўра. бунга биринчи навбатда мамлакат иқтисодидаги муаммолар сабаб бўлмоқда.
Маълумот учун, Туркияда 2023 йилда инфляция 65%ни ташкил қилган. Туркия Марказий банки прогнозига кўра 2024 йилда бу кўрсаткич 36 %, 2025 йилда эса 14% бўлиши кутилмоқда.
Маҳаллий сайловларда қўлга киритилган ғалаба фонида мухолифат партияси муддатидан олдин президент ва парламент сайлови ўтказишни таклиф қилди.
Лекин Туркия президенти маъмурияти бу таклифини рад этиб, Ражаб Тоййиб Эрдўғоннинг президентлик муддати 2028 йилгача давом этишини ва мухолифатни маҳаллий сайловларда эришилган ғалаба асосида “беҳуда уринмасликка” чақирди.
Шу билан бирга Эрдоған маъмурияти 2028 йилгача қадар барча соҳаларда ислоҳот сиёсатини олиб бориши, президент Эрдоған Туркияни мустақил ва кучли давлатга айлантириш йўлида янги босқичларга чиқиши таъкидланди.