ТОШКЕНТ, 18 мар — Sputnik. Украинадаги айрим турдаги ўқ-дорилар заҳиралари кескин даражага тушиб кетди. Бу ҳақда Мудофаа вазири ўринбосари Иван Гаврилюк маълум қилди, деб ёзмоқда РИА Новости.
Гаврилюк аввалроқ Киев артиллерия снарядлари тақчиллиги муаммосини дронларни оммавий ишлаб чиқариш орқали ҳал қилишга уринаётганини маълум қилганди.
“Айрим турдаги ўқ-дорилар захиралари кескин даражага тушмоқда. Бу ва бошқа омиллар Украина мудофаа кучларига ўз вазифаларини бажаришни қийинлаштиради”, — дея Гаврилюкнинг сўзларидан иқтибос келтирган “Укринформ” агентлиги.
Вазир ўринбосарининг сўзларига кўра, Киев ҳали ҳам F-16 қирувчиларини қабул қилишга умид қилмоқда, бу эса расмийнинг сўзларига кўра, “Украина мудофаа кучларининг қуруқликдаги имкониятларини оширади”.
Шу билан бирга, Гаврилюк Украина Қуролли кучлари ҳаво ҳужумидан мудофаа тизимлари, самолётлар, узоқ масофага учувчи ракеталар, снарядлар, айниқса, 155 мм калибрли, замонавий электрон уруш тизимларига жуда муҳтожлигини қайд этди.