ТОШКЕНТ, 17 мар — Sputnik. Россия Федерациясида президент сайловида овоз бериш тинч, уюшқоқлик билан, ҳеч қандай оғишларсиз ўтмоқда. Бу ҳақда МДҲ кузатувчилари миссияси раҳбари, Ҳамдўстлик Бош котиби ўринбосари Илҳом Неъматов РИА Новости агентлигига маълум қилди.
“Овоз бериш Россия қонунчилигидан четга чиқмасдан, хотиржамлик билан ташкил этилган”, — деди миссия раҳбари.
“Бизда бор-йўғи 194 нафар кузатувчи бор, биз Калининграддан Владивостокгача бўлган 28 та ҳудудни қамраб оламиз...Тез орада, эртага якуний баёнотларимизни эълон қиламиз. Табиийки, биз якуний баёнотларни фақат кузатишларимиз натижаларига, ўз кузатишларимиз асосида тайёрлаймиз”, — деди миссия раҳбари.
Шунингдек, барча участкалар зарур техник воситалар ва ахборот материаллари билан жиҳозланганини таъкидлади.
Россия Федерациясидаги президентлик сайловларида 129 давлатдан 1115 нафар халқаро кузатувчи иштирок этмоқда.