Путин Россиянинг Украина бўйича музокараларга тайёрлигини маълум қилди

ТОШКЕНТ, 13 мар — Sputnik. Россия Украина бўйича музокараларга тайёр, аммо улар психотроп дориларни қўллашдан кейин истакларга эмас, балки ҳақиқатга асосланган бўлиши керак. Бу ҳақда мамлакат етакчиси Владимир Путин "Россия сегодня" халқаро медиа гуруҳи бош директори Дмитрий Киселёвга берган интервьюсида маълум қилди.

"Биз музокараларга тайёрмизми? Ҳа, биз фақат музокаралар олиб боришга тайёрмиз, бу психотроп дориларни қўллашдан кейин қандайдир истакларга эмас, балки ер юзида юзага келган воқеликларга таяниб," — деди Путин.

Россия президенти Владимир Путин Ғарб билан "ҳалол шартнома" қилиш имконияти ҳақидаги саволга, у ҳеч кимга ишонмаслигини, аммо Россия Федерацияси кафолатларга муҳтожлигини ва улар аниқ белгиланиши кераклигини айтди.

"Мен буни гапиришни истамайман, лекин ҳеч кимга ишонмайман. Бизга кафолатлар керак. Ва кафолатлар белгиланиши керак, улар бизга мос келадиган ва биз ишонадиган кафолатлар бўлиши керак. Гап шу ҳақида кетяпти”, — дейди у.

Путиннинг таъкидлашича, "ҳозир бу нима бўлиши мумкинлиги ҳақида омма олдида гапиришга эрта".

"Аммо биз ҳеч қандай қуруқ ваъдаларни сотиб олмаймиз", — деди у.

Интервьюда Путин Ғарб ҳамжамиятида юзага келган қарама-қаршиликларга эътибор қаратди.

“Россия Ғарбда бўлиниш билан шуғулланмоқчи эмас, улар буни ўзлари ажойиб тарзда амалга оширадилар. Лекин биз, албатта, бизнинг манфаатларимиз ҳурмат қилинишини таъминлашга ҳаракат қиламиз", — деди президент.

Украинада хорижий қўшинларнинг мавжудлиги ва қурол-яроғ етказиб берилиши жанг майдонидаги вазиятни ўзгартирмайди.

“Гап шундаки, Ғарб давлатларининг ҳарбийлари Украинада анчадан бери бўлган, улар давлат тўнтаришидан олдин ҳам бўлган, тўнтаришдан кейин эса уларнинг сони бир неча баробар ортган. Энди улар бевосита, маслаҳатчи тимсолида, хорижлик ёлланма аскар шаклида ҳозир бўлиб, талофат кўрмоқда. Аммо агар биз хорижий давлатларнинг расмий ҳарбий контингенти ҳақида гапирадиган бўлсак, бу жанг майдонидаги вазиятни ўзгартирмаслигига ишончим комил. Бу энг муҳими. Худди қурол етказиб бериш ҳеч нарсани ўзгартирмаганидек”, — деди Путин.

Агар Польша Украинага қўшин киритса, у кетмайди, ўзиники деб ҳисоблаган ерларни қайтариб олишни истайди.

“Чунки, айтайлик, агар Польша қўшинлари Украина ҳудудига Украина-Беларусь чегарасини, айтайлик, чегарани ёки бошқа жойларда Украина ҳарбий контингентини қўшма чизиқдаги жанговар ҳаракатларда қатнашиш учун бўшатишга кирса, унда ўйлайманки, Польша қўшинлари у ердан ҳеч қачон кетмайди”,— деди Путин.

Президент Польша тарихан ўзиники деб ҳисоблаган ерларни қайтариб олишини исташини тушунтирди.

“... Улар тарихан ўзлариники деб ҳисоблаган, халқлар отаси Иосиф Виссарионович Сталин томонидан тортиб олиниб, Украинага ўтказиб берилган ерларни қайтаришни исташади. Албатта, уларни қайтаришни хоҳлайди. Ва агар у ерга расмий Польша бўлинмалари кирса, уларнинг чиқиб кетиши даргумон”, — дея қўшимча қилди Путин.

Жамият онгига таъсир кўрсатадиган ақлли, хавфли одамлардан кўра, "бурни кокаинда" бўлганлар билан музокара қилиш осонроқ.

“Ақллироқлар Россия Федерациясига нисбатан қандайдир стратегияни ўзгартириш керак деб ўйлай бошладилар. Ўшанда музокаралар жараёнини қайта бошлаш, бу можарога барҳам беришнинг қандайдир йўлларини топиш, Россиянинг ҳақиқий манфаатлари қаерда эканини излаш ҳақида ғоялар пайдо бўлди. Айтганча, булар хавфли одамлар”, — деди президент.

Унинг сўзларига кўра, бундай таянч тамойилларга амал қилган одамлар билан курашиш осонроқ.

"Ҳозир бурни кокаинда, тўғрими? Лекин бунинг аҳамияти йўқ, булар билан осонроқ. Аммо ақлли одамлар билан бу қийинроқ, улар хавфлироқ, чунки улар жамият, шу жумладан, бизнинг онгимизга таъсир қилади. Улар бизга сабзи ниқоби остида ҳар хил тилакларини улоқтиришади”, деб тушунтирди президент.

Путин Россия Украина бўйича музокараларга тайёрлигини маълум қилди