ТОШКЕНТ, 13 мар — Sputnik. Евроосиё иқтисодий иттифоқи (ЕОИИ) давлатларининг бандлик хизматларида рўйхатдан ўтган ишсизлар сони 2024 йил январ ойи охирига келиб 786,1 минг кишини ташкил этди, дея хабар берди ЕИК матбуот хизмати.
Бу кўрсатгич Евроосиё иқтисодий комиссияси статистика департаменти маълумотларига кўра, 2023 йилнинг шу санасидан 11,1 фоизга кам.
“Шундай қилиб, ишсизлар сони ишчи кучининг 0,8 фоизини ташкил этади, 2023 йилда эса бу кўрсаткич 1 фоизга тенг бўлди”, — дейилади ҳисоботда.
Ишсизлик даражаси ишчи кучининг 3,4 қисмини ташкил этди (2023 йилнинг III чораги).
Арманистонда 12,0% (2023 йил III чораги), Беларусда 3,5% (2023 йил IV чораги), Қозоғистонда 4,7% (2023 йил IV чораги), Қирғизистонда 4,9% (2022 йил), Россияда 2,9% (2023 йил IV чораги).