ТОШКЕНТ, 11 мар — Sputnik. АҚШнинг собиқ президенти Доналд Трамп агар у яна президент бўлса, Украинага пул бермаслигига ваъда берди. АҚШсиз Европа можарони молиялаштира олмайди ва у тугайди. Бу ҳақда Венгрия бош вазири Виктор Орбан маълум қилди, деб ёзмоқда РИА Новости.
Аввалроқ Доналд Трамп Виктор Орбан учрашган эди. Собиқ президент матбуот хизмати Трамп ва Орбан “Венгрия ва Қўшма Штатларга тааллуқли кенг кўламли масалаларни, жумладан, ҳар бир давлат учун мустаҳкам ва хавфсиз чегаранинг муҳим аҳамиятини муҳокама қилганини” таъкидлади.
“Украинанинг ўзи оёқда турмаётгани кўриниб турибди. Агар америкаликлар қурол ва пул бермаса, европаликлар уларга эргашса, уруш тугайди. Агар америкаликлар пул бермаса, европаликлар бу урушни ўзлари молиялашга қодир эмаслар, шунда у тугайди. Трамп ҳозир президент эмас, лекин унинг партияси демократлар урушга пул жўнатмоқчи бўлганда тўсқинлик қилмоқда. Трамп қайтса, бир тийин ҳам (ажратмайди – таҳр.) буни қилмаслигини айтди. Ва кейин бу уруш тугайди”, — деди Орбан М1 телеканалига берган интервьюсида.
Трамп Оқ уйга қайтиши бутун дунё учун яхши бўларди, чунки унинг президентлиги даврида Яқин Шарқ ва Украинада ҳеч қандай можаро бўлмаган, деди Орбан Трамп билан учрашувдан сўнг.