ТОШКЕНТ, 8 мар – Sputnik. Молдова Республикаси таркибидаги Гагаузия мухторияти раҳбари Евгения Гуцул Россияга ташрифидан сўнг Молдовага қайтди, деб хабар берди РИА Новости мухбири.
"Кишинёв аэропортида уни юзлаб кишилар ва журналистлар кутиб олишди. Гуцул аэропортдан ҳеч қандай тўсиқсиз ва ҳибсга олинмасдан чиқиб кетди", - дейилади хабарда.
Бундан олдин ҳукуматга яқин амалдорлар уни Путин билан учрашгани учун судга берилиши ва ҳибсга олиниши мумкинлигини хабар қилган эди.
Ушбу гап-сўзлар сабабли ҳам сиёсатчининг тарафдорлари Россиядан қайтгач, уни кутиб олиш учун аэропорт биносига келишган. Одам кўплигидан аропорт ташқарисида ҳам узун навбат пайдо бўлган.
Россияга ташриф
Гуцул Россияга ташрифи давомида президент Владимир Путин, Федерация кенгаши раиси Валентина Матвиенко, президент маъмурияти раҳбари ўринбосари Сергей Кириенко ва бошқа ҳукумат вакиллари билан учрашди. Бундан ташқари, у Сочида бўлиб ўтган Бутунжаҳон ёшлар фестивалида иштирок этди ва у эрда Гагаузия аллақачон ҳамкорлик шартномаларига эга бўлган Россия минтақалари раҳбарияти билан музокаралар олиб борди. Гуцул Краснодар ўлкаси ва Пенза вилояти билан иқтисодий, ижтимоий ва маданий ҳамкорликни кенгайтириш ниятида эканини таъкидлади.
Мухторият раҳбарининг ўзи таъкидлаганидек, унинг Россияга ташрифи учун унга нисбатан иш қўзғатилиши муҳим эмас. Унинг сўзларига кўра, у 2014 йил 2 февралда бўлиб ўтган референдумда Москва билан алоқаларни мустаҳкамлаш тарафдори бўлган гагауз халқи манфаатларини илгари суради.
Гагаузия Молдова жанубидаги мухторият бўлиб, у анъанавий равишда Россия билан яқинлашиш тарафдори. Кишинёв эса Европа билан интеграция йўналишини эълон қилган. 2014 йил февраль ойида ушбу ҳудудда мамлакат ташқи сиёсатининг векторини аниқлаш масаласи бўйича референдум бўлиб ўтди. Унинг иштирокчиларининг 98 фоиздан ортиғи республикани "Россия-Беларус" божхона иттифоқига қўшиш тарафдори бўлган эди.
Мухторият босим остида
Ўтган йилнинг баҳорида Гагаузияда минтақа раҳбари учун сайловлар бўлиб ўтди, унда Шор партиясидан номзод бўлган Евгения Гуцул ғалаба қозонди. Июнь ойида Молдова ҳукумати бу сиёсий кучни конституцияга зид деб эълон қилди ва уни Россия билан ҳамкорликда айблади.
Президент Майя Санду ҳалигача Гуцулни ҳукумат аъзоси сифатида тасдиқлаш тўғрисидаги фармонни имзолагани йўқ, гарчи бу мамлакат қонунчилиги талаб қилса ҳам.
Президент Майя Санду ҳалигача Гуцулни ҳукумат аъзоси сифатида тасдиқлаш тўғрисидаги фармонни имзолагани йўқ, гарчи бу мамлакат қонунчилиги талаб қилса ҳам.
Ўшандан бери Кишинёв минтақага иқтисодий босим ўтказа бошлади. Шу тариқа, октябрь ойида Молдова парламенти Гагаузия агентларига ҚҚСни республика бюджетидан эмас, балки маҳаллий бюджетдан қайтариш белгиланган. Бу Гагаузия бюджетида 6,8 миллион доллар йўқотишга олиб келади. Ўтган ҳафтада мамлакат Конституциявий суди ушбу тузатишларни ноқонуний деб топиб, уларни бекор қилди.