ТОШКЕНТ, 23 фев — Sputnik. 2023 йилнинг январь-декабрь ойларида ЕОИИ ялпи ички маҳсулоти 3,8 фоизга ўсди ва 2,4 триллион долларга етди, дея хабар берилди Евроосиё иқтисодий комиссияси (ЕИК) сайтида.
ЕИК Статистика департаменти Евроосиё иқтисодий иттифоқининг асосий ижтимоий-иқтисодий кўрсаткичлари бўйича таҳлилий ҳисоботни эълон қилди.
“2023 йилнинг январь-декабрь ойларида ЕОИИда саноат ишлаб чиқариши 3,7 фоизга, бажарилган қурилиш ишлари ҳажми 8,6 фоизга, чакана савдо айланмаси эса 6,6 фоизга ўсди. 2023 йилнинг январь-декабрь ойларида ялпи ички маҳсулот, дастлабки ҳисоб-китобларга кўра 2 391,9 миллиард АҚШ долларини (2022 йил январь-декабрь даражасига нисбатан 103,8 фоиз) ташкил этди”, — дейилади ҳужжатда.
ЕОИИда рўйхатга олинган ишсизлик даражаси ишчи кучининг 0,8 фоизини ташкил этди.