ТОШКЕНТ, 4 фев — Sputnik. АҚШ Россиянинг Украинадаги ғалабасидан кейин ҳам тинчланмайди ва Россиянинг бошқа минтақалардаги таъсирини сусайтиришга ҳаракат қилади. Бу ҳақда Чикаго университети профессори Жон Миршаймер ижтимоий тармоқдаги Duran каналига берган интервьюсида маълум қилди, деб ёзмоқда РИА Новости.
“Америкаликлар ўзларини ўликдек кўрсатишмайди (Россия Украинадаги ғалабасидан кейин. - Таҳр). Америкаликлар Россияни барбод қилиш учун бор нарсага боради”, — дея ишонч билдиради эксперт.
Миршаймер Қўшма Штатлар Россия билан можаронинг навбатдаги кучайишини ташкил қилиши мумкин бўлган ҳудудларни номлади. Арктика, Қора денгиз ва Молдовада провокацияларни кутиш керак. Бундан ташқари, Вашингтон Беларусда "рангли инқилоб" ташкил қилиши мумкин.
“Украина ва Шарқий Европадаги муаммолар тугамайди”, — дея хулоса қилди Жон Миршаймер.
Аввалроқ Владимир Путин Ғарб Россияга қарши гибрид уруш олиб боришда давом этаётгани, Киев режимини реал вақт режимида разведка маълумотлари билан таъминлаётгани ва қурол-яроғ узатаётганини айтганди. Москва НАТО қарама-қаршиликка қаратилганини бир неча бор қайд этган. Президент матбуот котиби Дмитрий Песков таъкидлаганидек, блокнинг янада кенгайиши Европага катта хавфсизлик олиб келмайди.