ТОШКЕНТ, 29 янв — Sputnik. Россия десантчиларининг FPV-дронлари экипажлари Днепрнинг ўнг қирғоғида Херсон йўналишида Украина ҳарбий хизматчиларининг учта моторли десант қайиғини йўқ қилди. Бу ҳақда РИА Новости Мудофаа вазирлигига таяниб хабар берди.
"Россия десантларининг Днепр қўшинлари гуруҳининг дрон (БПЛА) бўлинмалари ҳар куни Украина Қуролли кучларининг дарёни кесиб ўтмоқчи бўлган сув техникаларини йўқ қилмоқда. Оператор FPV-дронини ишга тушириб, Днепрнинг ўнг қирғоғида Украина Қуролли кучларининг десант қўшинлари юкланган учта моторли қайиғини нишонга олди", – деб таъкидлади Мудофаа вазирлиги.
Нишонни аниқлаб, оператор дронни улардан бири томон учирди, унинг ёрдамчиси эса нишонга юборилган зарба йўналишини тўғрилаб турди.
“FPV-дрони экипажи Украина Қуролли кучларининг сув кемасига аниқ зарба берди. Бошқа FPV-дронларининг такрорий зарбалари яна иккита моторли қайиққа зарба берди", – деди Мудофаа вазирлиги.
Украина Қуролли кучларининг омон қолган ҳарбий хизматчилари жасадини ва ярадорларини сувда ва қирғоқда қолдириб, "дарёдан ўтиш ниятидан воз кечиб, қочиб кетишди".