ТОШКЕНТ, 28 янв — Sputnik. Ўзбекистон ва Қозоғистонга қўшимча равишда “Хотира поезди” Россия-Беларусь лойиҳасида иштирок этиш таклиф этилди. Бу ҳақда Беларусь парламенти юқори палатаси спикери Наталя Кочанова маълум қилди.
Кочанова ва Россия Федерация Кенгаши раҳбари Валентина Матвиенко ташаббуси билан Россия темир йўллари иштирокида "Хотира поезди" иттифоқ давлат лойиҳаси ишга туширилди.
Унда 2022 йилда Россиядан 100 нафар, Беларусдан 100 нафар ўнинчи синф ўқувчилари қатнашди. Ўтган йилда яна икки давлат – Арманистон ва Қирғизистондан иштирокчилар қўшилди.
“Бу йил “Хотира поезди” бўлиб ўтади, иштирок этиш учун фақат бошқа давлатлар, жумладан, Ўзбекистон ва Қозоғистон таклиф қилинган ва ҳозир биз улардан тасдиқлашни кутмоқдамиз. Ўтган йили Беларусь ва Россия, Қирғизистон ва Арманистондан йигитларимиз иштирок этишди. Аммо биз географияни кенгайтирмоқчимиз”, — дея Кочанова сўзларини келтиради Беларусь парламенти юқори палатасининг Telegram-канали.
Унинг таъкидлашича, лойиҳа анъанавий тарзда 21 июнь куни Брестда бошланади, шунда "22-куни болалар Улуғ Ватан уруши бошланишига бағишланган тадбирларда қатнашишлари, кейин эса Беларусь ва Россия шаҳарлари бўйлаб саёҳат қилишлари мумкин".