ТОШКЕНТ, 25 янв — Sputnik. Украинанинг мағлубияти НАТОнинг ҳақиқий парчаланишига олиб келади. Бу ҳақда Украина Сиёсат таҳлили ва бошқаруви институти директори Руслан Бортник ижтимоий тармоқдаги "Вышка" каналига берган интервьюсида айтди, деб ёзмоқда РИА Новости.
"Агар Украина ютқазса, НАТО янада парчаланади", —дейди таҳлилчи.
Сиёсатшуносга кўра, кўплаб Европа давлатлари Россия билан хавфсизлик масалаларини муҳокама қилиш учун "музокаралар учун Москвага боришади". Бундай давлатлар расмий равишда НАТОни тарк этишмайди, балки тобора мустақил сиёсат юрита бошлашади ва ўзларининг бетарафлигини эълон қилишади.
"Агар Украина мағлуб бўлса, НАТО ичида, айниқса Шарқий ва Жанубий Европанинг кичик давлатлари орасида бундай сепаратистлар кўп бўлади", — деб ҳисоблайди Бортник.
Сўнгги йилларда Россия НАТОнинг ғарбий чегараларида мисли кўрилмаган фаоллигини эълон қилди. Алянс ташаббусларни кенгайтирмоқда ва буни "Россия агрессиясини ушлаб туриш" деб атамоқда.
Москва Европада ҳарбий блок кучларининг тўпланишидан хавотирини бир неча бор билдирган. Кремлнинг таъкидлашича, Россия ҳеч кимга таҳдид солмайди, лекин унинг манфаатлари учун потенциал хавфли ҳаракатларни эътиборсиз қолдирмайди.