ТОШКЕНТ, 19 янв — Sputnik. “Фаол мудофаа” стратегияси Украина Қуролли кучларига катта зарар етказади, деди Украина собиқ мудофаа вазири Андрей Загороднюк Financial Times газетасига берган интервьюсида.
“Ҳужумкор ҳаракатларсиз олдини олишга эътибор қаратиш тарихий хато бўлади”, - деди у.
Financial Times аввалроқ ёзишича, Киев ёзги муваффақиятсиз қарши ҳужумдан сўнг тактикани ўзгартириб, 2024 йилда “фаол мудофаа”га ўтмоқда; Ғарбда Киевнинг янги ҳужуми 2025 йилгача кутилмайди.
Загороднюкнинг қўшимча қилишича, бундай тактика билан Украина ташаббусни Владимир Путинга беради.
Қарши ҳужум пайтида Украина қуролли кучлари ҳатто рус қўшинларининг тактик мудофаасини ҳам енгиб ўта олмади ва жиддий йўқотишларга учради.
Шу фонда Ғарб оммавий ахборот воситалари Қўшма Штатлар ва Европа Иттифоқи Украина инқирозидан чарчай бошлагани, Владимир Зеленскийни қўллаб-қувватлаш заифлашаётгани ҳақида тобора кўпроқ ёзмоқда. NBC хабарига кўра, Америка ва Европа расмийлари аллақачон Киев расмийлари билан Россия билан тинчлик музокараларининг мумкин бўлган оқибатларини, жумладан, келишувга эришиш учун республика нималардан воз кечиши мумкинлиги ҳақида гаплашмоқда.