ТОШКЕНТ, 18 янв — Sputnik. Фаластин-Исроил можаросида тинчликка фақат тўғридан-тўғри мулоқот орқали эришиш мумкин, деди Россия ташқи ишлар вазири Сергей Лавров.
“Биз АҚШ, Исроил, айрим араб давлатлари иштирокидаги ярим ёпиқ алоқалар ҳақида эшитамиз ва биламиз, лекин қандайдир тарзда бу алоқаларнинг барчаси фаластинликлар ва исроилликлар ўртасидаги тўғридан-тўғри мулоқотни англатмайди, улар катталар фаластинликлар қандай яшашни давом эттиришлари ҳақида қаердадир келишиб олишади, кейин эса буни уларга тақдим этишади, деб тахмин қилишади. Бу ҳеч қандай муваффақиятга олиб келмайди”, – деди Лавров.
Унинг таъкидлашича, келишувга фақат тўғридан-тўғри мулоқот орқали эришиш мумкин, энди уни қайта тиклаш керак. У, шунингдек, Фаластин масаласидаги саъй-ҳаракатларнинг асосий йўналиши Фаластин давлатини яратиш бўлиши кераклигини қайд этди.
“Бусиз Фаластин халқи ўзини ноқулай ҳис қилади ва адолатсизлик шароитида яшашда давом этади. Биз бунга нуқта қўйишимиз керак. Бу нуқта Фаластин давлати яратилиш бўлиши керак”, — деди Лавров.
Россия ТИВ раҳбари, шунингдек, Фаластин давлатини яратмасдан туриб, Исроил учун давлат хавфсизлигини ишончли таъминлаб бўлмаслигини таъкидлади.