ТОШКЕНТ, 17 янв — Sputnik. Бу йилда Евроосиё иқтисодий иттифоқида (ЕОИИ) раислик навбати Арманистонга ўтди. Мамлакат бош вазири Никол Пашинян иттифоқдаги раислик йилида нималарга эътибор қаратишини маълум қилди.
Бу йил 1 январдан бошлаб Арманистон ЕОИИ органларига раисликни ўз зиммасига олди, унда ҳар бир давлат умумий иқтисодий ҳамкорлик маконини шакллантиришда асосий рол ўйнайди.
Эътибор қаратиладиган масалалар:
энергия хавфсизлигини таъминлаш — энергия ресурсларининг умумий бозори ЕОИИга аъзо барча давлатлар учун тенг шароитларни таъминлаши керак;
озиқ-овқат хавфсизлигини таъминлаш — мумкин бўлган инқирозлар шароитида озиқ-овқат таъминоти ЕОИИ кун тартибининг устувор вазифасига айланиши керак;
транспорт ва логистикани ривожлантириш — ташқи бозорларга чиқиш учун ЕОИИнинг транзит салоҳияти ва имкониятларидан максимал даражада фойдаланиш зарур. Арманистон томонидан таклиф этилган “Дунё чорраҳаси” лойиҳасини амалга ошириш;
божхона тизимини такомиллаштириш — ЕОИИда ягона транзит тизимини ташкил қилиш ва давлат назоратини минималлаштириш;
ЕИК ролини аниқ белгилаш — ЕОИИда миллатлараро регуляторнинг ролини аниқ белгилаш зарур. Шу ўринда ЕИКни белигилаш учун ҳеч қандай тўсиқ йўқ.
Миллий валюталар улушини ошириш.