ТОШКЕНТ, 11 янв — Sputnik. Европа Иттифоқи юз миллиард евролик умумий мудофаа фондини яратиши керак, чунки Дональд Трамп ҳокимиятга қайтса, АҚШ кўмагисиз қолишдан қўрқади. Бу ҳақда Европа Иттифоқининг ички бозор комиссари Терри Бретон маълум қилди, деб ёзмоқда РИА Новости.
“Трамп, “Агар Европага ҳужум қилинса, биз ҳеч қачон сизга ёрдам бермаймиз ва сизни қўллаб-қувватламаймиз... ва биз НАТОдан чиқамиз”, деди. Буларнинг барчаси "қўрқинчли латифага" ўхшайди, — дея 2020 йилда Трамп ва Еврокомиссия раҳбари Урсула фон дер Ляйен ўртасидаги суҳбатни эслади Бретон.
Бретоннинг фикрича, агар европаликлар ўзларини ҳимоя қилмаса, "Россия Европани эгаллаб олади". Бундан ташқари, у бу масалани Украинага ёрдам кўрсатиш билан боғлади.
Сиёсатчи Украина қуролли кучларини баҳоргача зарур снарядлар билан таъминлаши учун Европа заводлари қувватини оширишни талаб қилмоқда.
Шу билан бирга, Германия мудофаа вазири Борис Писториус аллақачон бундай миқдордаги ўқ-дориларни ўз вақтида етказиб беришнинг иложи йўқлигини айтган, дея таъкидлайди мақола муаллифи. Аксарият Европа давлатларининг мудофаа салоҳияти ҳақиқатдан ҳам идеалдан узоқдир, аммо Европа етакчилари умумий мудофаа фондини яратиш ғоясига шубҳа билан қарашади, бу эса Бретон нега турли “даҳшатли ҳикоялар” билан қўрқувга ўтишга мажбур бўлганини тушунтиради".