ТОШКЕНТ, 9 янв — Sputnik. Окинава оролидаги Наго шаҳри яқинида АҚШнинг янги ҳарбий базасининг келажакда қурилиши жойида худди шу оролда жойлашган Футэнма базасини у ерга кўчириш учун тайёргарлик ишлари бошланди.Бу ҳақда РИА Новости NHK телеканалига таяниб хабар берди.
Декабрь ойи охирида Япония ҳукумати Футэнма базасини бу ерга кўчириш учун Окинава префектураси ўрнига Наго ҳудудида янги АҚШ базасини қуришни маъқуллаш имкониятидан биринчи марта фойдаланган. Шундай қилиб, қурилишни бошлаш учун зарур бўлган денгиз тубини тўлдириш бўйича ишларни бажариш мумкин бўлди.
Кутилганидек, 12 январь куни Мудофаа вазирлиги Оура кўрфази ҳудудида тупроқни мустаҳкамлаш ишларини бошлайди. Бунга тайёргарлик ишлари душанба куни бошланди: денгиз ҳудуди ўраб олинган, у ерга қурилиш кемаси ва ғаввослар етиб келган.
Хусусан, қурилиш ишлари давомида денгиз ифлосланишининг олдини олиш учун ҳимоя плёнка ўрнатиш ишлари бошлаб юборилди. Мудофаа вазирлигининг ҳисоб-китобларига кўра, барча зарур ишлар, тартиб-қоидалар ва қурилиш ишлари якунланганидан сўнг базани 12 йилдан кейин кўчириш мумкин бўлади.