ТОШКЕНТ, 7 янв — Sputnik. АҚШ президенти Жо Байден мамлакатдаги президентлик сайловларига қолган ўн ой ичида учинчи Жаҳон урушини ўтказиш ва Американи йўқ қилиш ҳолатида. Бу ҳақда собиқ президент Дональд Трамп Айовадаги митингда маълум қилди, деб ёзмоқда РИА Новости.
“Улар ҳеч кимга тўғри муносабатда бўлишмайди. Шундай қилиб, сиз учинчи жаҳон урушида бўлиб қолишингиз мумкин. Гарчи биз сайловларга яқин бўлсак-да, етарлича яқин эмасмиз. <…> Ўн ой ичида улар мамлакатимизни бутунлай йўқ қилишлари мумкин", —деди у.
Трамп, шунингдек, Украина ва Яқин Шарқдаги можароларга йўл қўймаслиги ҳақидаги даъволарини такрорлади. Шунингдек, Корея ярим оролидаги вазиятни назорат остида ушлаб туриши, чунки Байдендан фарқли ўлароқ, у дунё етакчилари билан қандай тил топишишни билишини айтди.
“Путин билан тил топишганим уларга ёқмади. Аммо мен 1,6 минг ядро қуролига эга бўлган одамлар билан тил топишишни яхши кўраман”, — деди бўлажак сайловлар натижаларидан кейин Оқ уйга қайтишни кутаётган Трамп.
У ўзини Американи қутқара оладиган ягона номзод деб атади ва унинг даврида америкаликлар Учинчи жаҳон урушига дуч келмаслигига ваъда берди.