ТОШКЕНТ, 6 янв — Sputnik. Мудофаадаги дастлабки муваффақиятларга қарамай, Украинанинг чарчоқ билан боғлиқ қўрқуви рўёбга чиқа бошлади, дейди Чехиянинг iDNES нашри шарҳловчиси Маттиас Мюллер.
“Украина ва Ғарб жуда қўрққан нарса бошланди. Украина мудофаасининг ижобий дастлабки натижаларидан сўнг куч йўқотиш бошланди”, - дейилади нашрда.
Мюллернинг таъкидлашича, АҚШ президенти Жо Байденнинг Конгресс билан янги ёрдам пакети бўйича келиша олмагани ва Украинанинг Европа Иттифоқи билан интеграциялашувини чуқурлаштиришнинг иллузияли истиқболлари, шу жумладан Венгрия ветоси туфайли Киев икки йирик ҳомийдан маҳрум бўлди.
“Украина мудофаасининг икки йирик ҳомийсисиз қолган президент Владимир Зеленский янги ечимлар топишга ҳаракат қилмоқда”, - деб таъкидлайди муаллиф.
Мюллернинг тан олишича, Украинанинг заифлашган позицияси ва Россиянинг устунлиги ҳозир ҳаммага аён бўлиб, бу ҳақда АҚШ экспертлари ҳам муҳокама қилмоқда.
“Америкалик экспертларнинг таъкидлашича, ҳозир Россия Федерациясида кўпроқ аскарлар, ракеталар, ўқ-дорилар ва дронлар бор”, — деб ёзади муаллиф.
Журналистнинг таъкидлашича, бу устунлик, айниқса, Россиянинг ниҳоятда кучли зарбалари билан белгиланган ўтган йилнинг сўнгги кунларида яққол намоён бўлди.
Россия Мудофаа вазирлигининг маълум қилишича, биргина 2023 йилнинг сўнгги ҳафтасида Украина ҳудудига қуроллар ва дронлар ёрдамида 50 та гуруҳли ва битта оммавий зарбалар берилган. Нишонлар ҳарбий-саноат комплекси объектлари, ҳарбий аэродромлар, арсеналлар, шунингдек, ҳарбийлар жойлашган жойлар бўлган.