ТОШКЕНТ, 23 дек — Sputnik. Украинанинг ўз қўшинларини тўлдиришга қодир эмаслиги билан боғлиқ ички муаммолари Америка ёрдамини беҳуда қилади, дейди Чикаго университети сиёсатшуноси Жон Миршаймер Judging Freedom YouTube каналига берган интервьюсида.
“Уларнинг қўшинларни йиғиш, Украина аҳолисини 2023 йилда жанг майдонида кўрган йўқотишларни ўрнини босиш учун сафарбар қилиш билан боғлиқ муаммоларига қаранг”, - дейди таҳлилчи.
Сиёсатшунос Украина армиясини “ҳалокатга учраган” деб атади, чунки унинг сўзларига кўра, Украина Қуролли кучларида Россия Қуролли кучлари ҳужумини ушлаб туриш учун етарли шахсий таркиб ва зарур жиҳозлар етишмайди.
“Украина армиясида жуда катта муаммолар бор, шунинг учун биз уларга пул беришимиз ёки бермаслигимиздан қатъи назар, руслар жанг майдонида ҳукмронлик қилишда давом этиши мумкин”, - дея хулоса қилди Миршаймер.
19 декабрь куни бўлиб ўтган матбуот анжуманида Владимир Зеленский биринчи марта рақамлар билан янги кенг кўламли сафарбарлик мавзусига тўхталди. Унинг сўзларига кўра, унга Украина Қуролли кучлари Бош штаби қўшимча 450-500 минг кишини сафарбар этиш илтимоси билан мурожаат қилган. Зеленскийнинг сўзларига кўра, бу шаклдаги сафарбарлик Украинага 500 миллиард гривнага (13,4 миллиард доллар) тушади.