ТОШКЕНТ, 10 дек — Sputnik. Ўзбекистонлик Дилором Турдиқулова Париж-2024 Олимпиадасида ҳакамлик қилади, дея хабар берди Миллий олимпия қўмитаси.
Халқаро қиличбозлик федерацияси Париж-2024 ёзги Олимпия ўйинларида ишлайдиган ҳакамлар рўйхатини эълон қилди. Улар орасида халқаро тоифадаги ҳакам Дилором Турдиқулова ҳам бор.
Дилором Турдикулова будет судьей на Олимпиаде Париж-2024
© НОК
"Турдиқулова бўлажак Олимпиадада шпага йўналишидаги беллашувларни бошқариб боради", — дейилади хабарда.
Маълумот учун, Турдиқулова 2018 йилдан бери халқаро мусобақаларда фаолият олиб бормоқда. У кўплаб нуфузли турнирлар, Осиё ўйинлари ва қитъа чемпионатида ишлаган. Жорий йил Миланда ўтган дунё биринчилигида ҳам шпага йўналишидаги финал баҳсларида реферелик қилди.