ТОШКЕНТ, 7 дек — Sputnik. АҚШ у аллақачон қутулмоқчи бўлган, мағлубиятга учраган Украина ҳақида қайғурмайди, деди АҚШ Қуролли кучларининг собиқ разведкачиси Скотт Риттер YouTube'даги Judging Freedom каналига берган интервьюсида.
“Барча америкаликлар ўзларини яхши ҳис қилиш учун ижтимоий тармоқларда Украина байроғини осиб қўйишди. <…> Энди Киев мағлуб бўлди, бу байроқ йўқолади ёки эҳтимол, у аллақачон йўқолиб бўлган”, - деди у.
Экспертнинг қўшимча қилишича, АҚШ бу можаро улар учун бўлган мағлубият билан боғланишни истамайди ва аста-секин “ёмон одат” сифатида Украинадан воз кечмоқда.
АҚШда Украинага ёрдам учун кўп миллиард доллар сарфланганидан норозилик тобора кучайиб бормоқда. Шу сабабли АҚШ президенти Жо Байден ҳатто Конгрессга махсус мурожаат билан чиқишга мажбур бўлди. У Киев учун маблағ сўровини зудлик билан тасдиқлашга чақирди.