ТОШКЕНТ, 4 дек — Sputnik. АҚШ президенти Жо Байден маъмурияти Конгресс Украинага ёрдам бериш учун қўшимча маблағ ажратишни маъқуллашига жуда муҳтож. Бу ҳақда Оқ уй Миллий хавфсизлик кенгашининг стратегик алоқалар бўйича координатори Жон Кирби ABC телеканалига берган интервьюсида маълум қилди, деб ёзмоқда РИА Новости.
“Айтишим керакки, биз таклиф қилган қўшимча молиялаштириш сўровида Украина учун зарур бўлган пул бор эди. Исроил ва чегараларимиз хавфсизлиги учун ҳам пул бор”, — дейди у.
Кирбининг таъкидлашича, у президент номидан Киевни қўллаб-қувватлаш ва миллий хавфсизликни таъминлаш учун маблағларни бирлаштиришни маъқуллайдими ёки йўқми, айта олмайди.
Байден аввалроқ Исроил ва Украинага ёрдам бериш учун 106 миллиард доллар сўраганди, бироқ Конгрессда қўллаб-қувватланмаганди. Аксарият республикачилар палатаси ёрдамни фақат Исроилга ажратишга овоз берди, бироқ демократлар назоратидаги Сенат ташаббусга тўсқинлик қилди.