ТОШКЕНТ, 3 дек — Sputnik. Ўзбекистон Олий Кенгаши депутати бўлган Совет Иттифоқи Қаҳрамони Александр Солуянов вафот этди. Бу ҳақда Севастопол десантчилар фахрийлари иттифоқига таяниб, РИА Новости хабар берди.
"2023 йил 2 декабрь куни Ҳаво-десант кучлари фахрийси, Совет Иттифоқи Қаҳрамони, генерал-маёр Александр Солуянов вафот этганини афсус билан билдирамиз. Унинг хотираси десантчилар қалбида чинакам саркарда ва ажойиб инсон сифатида мангу сақланиб қолади", — дейилади некрологда.
Александр Солуянов 1953 йилда Оренбург вилоятида туғилган. Афғонистонда Совет қўшинлари сафида хизмат қилган. Хизмат давомида кўрсатган жасорати ва қаҳрамонлиги учун унга Совет Иттифоқи Қаҳрамони унвони берилган.
Афғонистондан қайтгач, М.В. Фрунзе номидаги ҳарбий Академиясида таҳсил олган ва 1987 йилдан Фарғонада хизмат қилган. У ерда 387-алоҳида ўқув парашют полкига қўмондонлик қилган, кейин штаб бошлиғи ва гарнизон бошлиғи бўлиб хизмат қилган.
1990—1995-йилларда Ўзбекистон республикаси Олий Кенгаши депутати, Мудофаа, давлат хавфсизлиги ва ҳарбий сиёсат қўмитаси раисининг ўринбосари бўлган.
Александр Солуянов 70 ёшга тўлишига бир неча кун қолганида вафот этди.