ТОШКЕНТ, 10 ноя — Sputnik. Россиянинг "Транснефть" тизими орқали нефтни ташиш тарифлари 2024 йилда индексация қилинали. Федерал Монополияга қарши хизматининг (ФАС) тегишли фармони Норматив-хуқуқий ҳужжатлар порталида рўйхатдан ўтказилди. РИА Новости хабарига асосан.
Ҳужжатга мувофиқ, Россия ва ЕОИИ давлатларида "Транснефть" магистраль қувур тизимида нефтни юклаш, етказиб бериш, тушириш, қабул қилиш ва бошқа хизматлари учун тариф ставкалари 7,2 %га кўтарилади.
Шунингдек, нефтни Хитойга экспорт қилиш учун ЭСПО тизими ва Козмино порти орқали нефтни ташиш бўйича тармоқ тарифи 7,2% га индексланади.
Ҳужжатда айтилишига кўра, қуйидаги магистраль қувурлар орқали нефтни ҳайдаш тарифлари ҳам 7,2 фоизга индексланади: “Транснефть Сибир”, "Транснефть - Ғарбий Сибир", "Транснефть - Восток", "Транснефть - Узоқ Шарқ", "Транснефть - Урал", "Транснефть - Прикаме", "Транснефт - Юқори Волга", "Транснефт - Волга", "Транснефт - Дўстлик", "Черномортранснефть", "Транснефть - Шимолий", "Транснефть - Болтиқбўйи".
Маълумот учун, 2020 йилда Россия Федерацияси ҳукумати "инфляция минус 0,1%" тамойили асосида "Транснефть" тарифларини кейинги 10 йил учун индексация қилиш механизмини тасдиқлаган эди. Шунга мувофиқ 2023 йил бошидан "Транснефть" тарифлари 6 фоизга индексация қилинган эди. Иқтисодий ривожланиш вазирлиги 2023 йилда инфляцияни 7,5%, Россия банки - 7-7,5% оралиғида прогноз қилмоқда.