ТОШКЕНТ, 13 ноя — Sputnik. Бугун Тошкентнинг Бектемир ва Чилонзор туманларидаги айрим ҳудудларда электр таъминоти вақтинча ўчирилади. Бу ҳақида "Ҳудудий электр тармоқлари" Тошкент шаҳар филиали хабар берди.
Куз-қиш мавсумига пухта тайёргарлик кўриш мақсадида пойтахтнинг айрим туманларидаги маҳаллаларда электр таъминоти вақтинча ўчирилди.
Бектемир тумани: "Гулбоғ" ва "Ийик ота" МФЙларининг айрим ҳудудларида соат 09:00 дан 17:00 гача;
Чилонзор тумани: "Навбаҳор" МФЙнинг айрим ҳудудларида 09:00 дан 17:00 гача.
Юқоридаги ҳудудларда таъмирлаш ишлари белгиланган вақтдан аввалроқ якунланиши мумкин.