ТОШКЕНТ, 12 ноя — Sputnik. “Меҳрли мактаб” жамоаси Москва шаҳрида ўтказилган V халқаро конференцияда иштирок этди. Бу ҳақида Мактабгача ва мактаб таълими вазирлиги хабар берди.
Конференция “Узоқ муддат даволанаётган болаларнинг конституциявий ҳуқуқларини ҳимоя қилувчи ва амалга оширувчи госпитал таълим моделини жорий этишни илмий-методик таъминлаш” мавзусида бўлиб ўтди.
Унда МДҲ давлатлари ва Россиядан жами 1 500 дан ортиқ мутахассислар рўйхатдан ўтишди.
“Меҳрли мактаб” жамоаси Москва шаҳрида ўтказилган V халқаро конференцияда иштирок этди.
© Министерство дошкольного и школьного образования Узбекистана
”Меҳрли мактаб вакиллари конференсиядаги маърузасида иштирокчиларни Ўзбекистонда узоқ муддатли даволанишда бўлган болалар учун яратилган таълим-тарбия тизими тўғрисидаги маълумотлар билан таништиришди”, — дейилади хабарда.
Конференция иши доирасида вазирлик ҳамда “УчимЗнаем” лойиҳаси билан биргаликда Ўзбекистон госпитал мактабларида сифатли ва самарали таълим беришни янада мустаҳкамлаш борасидаги ишлар бўйича ҳамкорлик масалалари келишиб олинди.