ТОШКЕНТ, 11 ноя — Sputnik. Бадиий гимнастика бўйича “Мактабгача ва мактаб таълими вазири кубоги” спорт мусобақаларининг ғолиблари аниқланди. Бу ҳақда Мактабгача ва мактаб таълими вазирлиги матбуот хизмати хабар берди.
© Министерство дошкольного и школьного образования
Кеча, 10 ноябрь куни пойтахтдаги Гимнастика бўйича Республика олимпия захиралари ихтисослаштирилган болалар-ўсмирлар спорт мактабида бадиий гимнастика бўйича “Мактабгача ва мактаб таълими вазири кубоги” спорт мусобақаларининг республика (финал) босқичи бўлиб ўтди.
© Министерство дошкольного и школьного образования
Унда жами 154 нафар (ҳар бир ҳудуддан 11 нафардан) иштирокчи ғолиблик учун баҳс юритишди. Якуний натижаларга кўра, мусобақанинг яккалик баҳсларида:
1-ўринни — Анна Лоровская (Тошкент шаҳри);
2-ўринни — Илзара Пиокунова (Наманган вилояти);
3-ўринни — Даря Катянина (Бухоро вилояти);
Мусобақанинг гуруҳ баҳсларида:
1-ўринни — Тошкент шаҳри;
2-ўринни — Бухоро вилояти;
3-ўринни — Сирдарё вилояти жамоалари эгаллашди.
© Министерство дошкольного и школьного образования
Мусобақа ғолибларининг ҳар бир аъзоси моноблок (1-ўрин), тикув машинаси (2-ўрин), смарт соат (3-ўрин)лар, диплом, тегишли равишда олтин, кумуш ва бронза медаллари ҳамда “Мактабгача ва мактаб таълими вазири кубоги” билан тақдирланишди.