ТОШКЕНТ, 9 ноя — Sputnik. Эрон президенти Иброҳим Раисий Тошкентда бўлиб ўтган Иқтисодий Ҳамкорлик ташкилоти (ИҲТ) саммитида ташкилотга аъзо давлатлар орасида ҳудудий ҳамкорликни кенгайтиришга чақирди. Sputnik мухбири хабарига асосан.
Раисий бугунги ўзгарувчан дунёда ИҲТнинг роли жуда муҳимлигини таъкидлаб кўп томонлама ҳамкорликни ривожлантиришни таклиф қилди.
"Эрон ИҲТ доирасида энергетика, транспорт, технологиялар ва бошқа соҳаларда ҳамкорликни ривожлантиришга тайёр. Ундан ташқари биз ҳудудий алоқаларини ривожлантириш орқали ўзаро савдони кенгайтириш, эркин иқтисодий зоналар ташкил этишни таклиф қиламиз.
Эрон 2024 йилда ўз раислиги доирасида "ҳудудий алоқаларни ривожлантириш орқали ўзаро савдони ривожлантириш" шиорини таклиф қилади ва биз барча мамлакатларни Эрон билан қўшма минтақавий алоқаларни ривожлантиришга чақирамиз", - деди Раисий.
Шунингдек, Эрон ИҲТ доирасида атроф-муҳитни муҳофаза қилиш вазирлари йиғилишларини ўтказишни мамнуният билан қабул қилишини билдирди ва халқаро механизмлар орқали техник ёрдам кўрсатиш бўйича молиявий йиғилишларни ажратишга чақирамиз.
Ундан ташқари Эрон президенти Афғонистон муаммоси ҳақида ҳам тўхталиб ўтди. Раисий айтишига кўра, ИҲТ давлатлари Афғонистон ўз иқтисодиётини тиклаб олиши учун режа ишлаб чиқиши керак.
Эрон, ҳар доимгидек, Афғонистонга инсонпарварлик ёрдами кўрсатишга ва ўз ҳудуди орқали ёрдам ўтказишга тайёрлигини билдиради.
Биз ЭКО ривожланишини тўлиқ қўллаб-қувватлашимизни билдирамиз ва биз ЭКОга кўпроқ ресурслар ва кўпроқ техник ёрдам ажратишга тайёрмиз.
Исроил-Фаластин можароси ҳақида гапирар экан Иброҳим Раисий Исроилнинг Ғазо секторидаги ҳаракатларига "21 асрдаги энг катта қирғин" деб атади ва уларга ёрдам бераётган АҚШ ва бошқа Европа давлатларини ушбу жиноятларга шерик деб атади.
Тошкентда 7-8 ноябрь кунлари Иқтисодий ҳамкорлик ташкилотининг XVI саммити бўлиб ўтмоқда. ИҲТ минтақавий кўп томонлама тузилма бўлиб, унинг мақсади минтақа мамлакатлари ўртасидаги яқин савдо-иқтисодий алоқаларни ривожлантиришга кўмаклашишдир.
Ташкилот 1985 йилда ташкил этилган. Унинг доимий фаолият юритувчи котибияти Теҳрон шаҳрида жойлашган. Бугунги кунда ташкилотга Ўзбекистон, Туркия, Эрон, Покистон, Озарбайжон, Қозоғистон, Қирғизистон, Тожикистон, Туркманистон ва Афғонистон аъзо. Ўзбекистон 1992 йилда ИҲТ аъзоси бўлган.