ТОШКЕНТ, 8 ноя — Sputnik. Украина президенти Владимир Зеленскийнинг Қўшма Штатларга ишончи туфайли Киев тинчлик музокараларида ёмонроқ шартларга рози бўлиши керак. Бу ҳақида Пентагоннинг собиқ маслаҳатчиси полковник Дуглас Макгрегор маълум қилди, деб ёзмоқда РИА Новости.
“Путин ҳар доим ростгўй бўлган. У Украина томонининг нейтрал мақомини қабул қилишга тайёрлигини билдирганига жавобан ўз қўшинларининг ҳужумини тўхтатганда, у жуда жиддий эди. Аммо кейин Вашингтон Москва ва Киев ўртасидаги мулоқотга аралашиб, "ҳамма нарсани бузди", — деди у.
Макгрегор журналист Эндрю Наполитано билан Украина бўйича музокаралар шартлари “икки йил аввалгидек бўлмайди” деган фикрга қўшилди.
Ғарб элитаси ёлғон гапиришда давом этмоқда, деди полковник.
"(АҚШ - таҳрир) Зеленскийга ҳамма нарсани ваъда қилди. Зеленский эса ишонди. Вақт ўтиши билан биз билан ҳамкорлик қилганларнинг тақдирини такрорлайди. Агар у жараён пайтида ўлиб қолмаса, ишсиз бўлиб қолади”, — деди полковник.